|
Birləşmiş Millətlər Təşkilatı Təhlükəsizlik Şurasının 1267 nömrəli 1999-cu il 15 oktyabr tarixli və 1373 nömrəli 2001-ci il 28 sentyabr tarixli Qətnamələrinə uyğun olaraq müəyyən edilmiş barələrində sanksiyalar tətbiq edilməli olan fiziki və ya hüquqi şəxslərin Birləşmiş Siyahıdan çıxarılması (De–Listing) üçün nümunəvi müraciət formaları və müvafiq əlaqə məlumatları 2010-cu ilin mart ayında Birləşmiş Millətlər Təşkilatı Təhlükəsizlik Şurasının 1267 nömrəli 1999-cu il 15 oktyabr tarixli Qətnaməsinə əsasən təsis edilmiş «Əl–Qaida» və «Taliban»a qarşı Sanksiyalar Komitəsi tərəfindən Birləşmiş Siyahıdan çıxarılmış fiziki və ya hüquqi şəxslərin adlarının öz internet səhifəsindən çıxarılmasına dair qərar qəbul edilmişdir. «Əl–Qaida» və «Taliban»a qarşı Sanksiyalar Komitəsinin qərarına əsasən, fiziki və ya hüquqi şəxslərin adları Birləşmiş Siyahıdan çıxarıldığı hallar daxil olmaqla, Birləşmiş Siyahıya hər hansı dəyişiklik edilən zaman Birləşmiş Millətlər Təşkilatı Təhlükəsizlik Şurasının press–relizləri dərc edilir. Bu press–relizlər «Əl–Qaida» və «Taliban»a qarşı Sanksiyalar Komitəsinin http://www.un.org/sc/committees/1267/pressreleases.shtml internet səhifəsində yerləşdirilir. Birləşmiş Siyahıdan çıxarılma üzrə prosedurlar «Əl–Qaida» və «Taliban»a qarşı Sanksiyalar Komitəsinin Təlimatlarının 7-ci bölməsində müəyyən olunur. Birləşmiş Siyahıdan çıxarılma proseduru haqqında əsas məlumatlar «Əl–Qaida» və «Taliban»a qarşı Sanksiyalar Komitəsinin internet səhifəsində yerləşdirmiş Arayışda (Fact Sheet) qeyd olunur. Birləşmiş Siyahıdan çıxarılmasına dair nümunəvi müraciət forması aşağıdakı istinad vasitəsilə əldə edilə bilər. İSTİNADLAR: Birləşmiş Siyahıdan çıxarılmasına dair nümunəvi müraciət forması |
